1 Ալէլուիա։ ա Գոհացէք Տէրիցը որ բարի է. Որ նորա ողորմութիւնը յաւիտեան է։
2 բ Ո՞վ կ’պատմէ Տիրոջ զօրութիւնը. Ո՞վ կ’իմացնէ նորա բոլոր գովասանքը։
3 Երանի իրաւունք պահողներին եւ գ ամեն ժամանակ դ արդարութիւն անողներին։
4 ե Յիշիր ինձ, Տէր, քո ժողովրդի վերայ ունեցած հաճութեանդ պէս, այցելութիւն արա ինձ քո փրկութիւնովը։
5 Որ տեսնեմ քո ընտրեալների յաջողութիւնը. Ուրախանամ քո ազգի ուրախութիւնովը. Պարծենամ քո ժառանգութիւնովը։
6 զ Մենք մեղանչեցինք մեր հայրերի հետ. Անօրէնութիւն արինք եւ ամբարշտութիւն գործեցինք։
7 մեր հայրերը Եգիպտոսումը չ’հասկացան քո հրաշքները. Չ’յիշեցին քո մեծ ողորմութիւնը եւ է հակառակ կացան ծովի մօտ՝ Կարմիր ծովի մօտ։
8 Բայց նա փրկեց նորանց ը իր անունի համար, թ որ հասկացնէ իր զօրութիւնը։
9 ժ Եւ կարմիր ծովին սաստեց՝ եւ նա ցամաքեց, եւ նորանց գնալ տուաւ ի անդունդի միջովն ինչպէս անապատում։
10 Եւ նորանց փրկեց ատողի ձեռքիցը. Եւ նորանց ազատեց թշնամիի ձեռքիցը։
11 լ Եւ ջուրերը ծածկեցին նորան նեղացնողներին, որ նորանցից մէկն էլ չ’մնաց։
12 խ Եւ հաւատացին նորա խօսքերին, օրհնեցին նորա օրհնութիւնը։
13 ծ Բայց շուտով մոռացան նորա գործերը, եւ չ’սպասեցին նորա խորհուրդներին։
14 կ Եւ ցանկացան ցանկութիւնով անապատումը, եւ փորձեցին Աստուծուն անջուր տեղումը։
15 հ Եւ նա նորանց տուաւ իրանց ուզածը. Եւ ձ վատուժութիւն ուղարկեց նորանց անձերին։
16 ղ Եւ նորանք նախանձեցին Մովսէսի դէմ բանակումը, եւ Տիրոջ սուրբ՝ Ահարօնի դէմ։
17 ճ Երկիրը բացուեցաւ եւ կուլ տուաւ Դաթանին. Եւ ծածկեց Աբիրոնի ժողովքին։
18 մ Կրակ բորբոքուեցաւ նորանց ժողովքումը. Բոց մաշեց ամբարիշտներին։
19 յ Հորթ շինեցին Քորեբումը եւ երկրպագութիւն տուին ձուլածոյ պատկերին։
20 Եւ ն իրանց փառքը փոխեցին խոտաճարակ հորթի նմանութեան։
21 շ Մոռացան իրանց փրկիչ Աստուծուն, որ մեծամեծ գործեր արաւ Եգիպտոսումը,
22 Հրաշքներ ո Քամի երկրումը, ահաւոր բաներ կարմիր ծովի վերայ։
23 չ Եւ ասեց որ սատկեցնէ նորանց, եթէ նորա ընտրեալ Մովսէսը կանգնած չ’լինէր մէջտեղը նորա առաջին որ ետ դարձնէ նորա բարկութիւնը սատակեցնելուց։
24 Եւ նորանք անարգեցին պ այն ցանկալի երկիրը. ջ չ’հաւատացին նորա խօսքին։
25 ռ Տրտնջեցին իրանց վրաններումը, Տիրոջ ձայնին չ’լսեցին։
26 ս Եւ նա բարձրացրեց իր ձեռքը նորանց վերայ, որ նորանց վայր գցէ անապատումը.
27 վ Եւ նորանց զաւակը հեթանոսների մէջ գցէ, եւ նորանց ցրուէ երկիրների մէջ։
28 Բայց տ նորանք Բել-Փեգովրին կպան, եւ մեռելների զոհերը կերան։
29 Եւ բարկացրին Աստուծուն իրանց գործերովը, եւ ժանտամահը հասաւ նորանց վերայ։
30 ր Ապա Փենեհէսը վեր կացաւ եւ դատաստան արաւ, եւ մահն արգիլուեցաւ։
31 Եւ սա համարուեցաւ նորան ց արդարութիւն ազգից մինչեւ ազգ յաւիտեան։
32 ւ Եւ բարկացրին նորան Մերիբայի ջրերի վերայ, եւ փ Մովսէսին չար եղաւ նորանց պատճառովը։
33 ք Որովհետեւ դառնացրին նորա հոգին, եւ նա մեղանչեց իր շրթունքներովը։
34 օ Նորանք չ’կորցրին այն ազգերին, ֆ որ Տէրն ասեց նորանց.
35 և Այլ խառնուեցան հեթանոսների հետ եւ սովորեցին նորանց գործերը։
36 ա Եւ ծառայեցին նորանց կուռքերին. բ նորանք էլ որոգայթ եղան նորանց համար։
37 գ Եւ նորանք մատաղ արին իրանց որդիքը եւ իրանց աղջիկները դ դեւերին։
38 Եւ անմեղ արիւն թափեցին՝ իրանց որդկանց եւ իրանց աղջկանց արիւնը, որ նորանց մատաղ արին Քանանի կուռքերին. Եւ ե երկիրը պղծուեցաւ արիւնով։
39 Եւ նորանք զ պղծուեցան իրանց գործերովը, եւ է պոռնկութիւն արին իրանց արարմունքներովը։
40 Եւ ը Տիրոջ բարկութիւնը բորբոքուեց իր ժողովրդի վերայ, եւ նա զզուեց թ իր ժառանգութիւնիցը։
41 ժ Եւ նորանց մատնեց հեթանոսների ձեռքը. Եւ նորանց ատողները տիրապետեցին նորանց վերայ։
42 Եւ նորանց թշնամիները նեղացրին նորանց, եւ նորանք խոնարհուեցան նորանց ձեռքի տակ։
43 Նա ի շատ անգամ փրկեց նորանց, բայց նորանք դառնացրին նորան իրանց խորհուրդներովը, եւ փչացան իրանց անօրէնութիւնների պատճառով։
44 Եւ նա նայեց նորանց նեղութեանը, երբոր լ նորանց աղաղակը լսեց։
45 խ Եւ իր ուխտը յիշեց նորանց համար, եւ ծ զղջաց կ իր մեծ ողորմութեան պէս։
46 հ Եւ նորանց ողորմութիւն գտնել տուաւ այն ամենի առաջին, որ գերի արին նորանց։
47 ձ Փրկիր մեզ, ով Տէր՝ մեր Աստուածը, եւ ժողովիր մեզ հեթանոսների միջից, որ գոհանանք քո սուրբ անունիցը եւ օրհնութիւնովդ պարծենանք։
48 ղ Օրհնեալ է Եհովան՝ Իսրայէլի Աստուածը յաւիտենից մինչեւ յաւիտեանս. Եւ բոլոր ժողովուրդն ասէ. Ամէն։ Ալէլուիա։
Սաղմոս 106